Ինչպե՞ս WordPress-ում ապահովել անվտանգությունը

WordPress CMS -ի և ընդհանուր կայքի անվտանգությունը բացարձակ արժեք է  բոլոր նրանց համար, ովքեր օգտվում են այս համակարգից։ Աշխարհի կայքերի ավելի քան 70%-ը աշխատում են հենց այս համակարգով, իսկ դա իր հերթին առաջացնում է անվտանգային մի շարք ռիսկեր։

Հայտինություն ≠  Անվտանգություն

Եվ այսպես,  խոսենք, թե ինչ մեթոդներ կան կայքի և հատկապես WordPress համակարգով աշխատող կայքերի անվտանգության բարձրացման համար։

Այն, ինչ պետք է իմանալ

Ինչո՞ւ է անվտանգությունը կարևոր
Թարմացումներ և դրանց նշանակությունը
Գաղտնաբառ և օգտվողի հասանելիության մակարդակ

Անվտանգությունն ապահովող կարևոր քայլեր

Backup հասկացությունն ու դրա կիրառումը
Plugin -ներ, որոնք կհեշտացնեն Ձեր կյանքը
SSL եվ HTTPS 

Ինչո՞ւ է անվտանգությունը կարևոր

Տվյալ հարցի պատասխանը շատ պարզ է , անվտանգությունը կապահովի բիզնեսի զարգացումը։ Իսկ ի՞նչ տեսք է ունենում կայքը, երբ այն անվտանգ չէ։ Այս խնդրին երևի արդեն ծանոթ եք, հատկապես հայկական իրականությունում կոտրված բազմաթիվ կայքերի տեսքով։ Դա մեծամասամբ գալիս է admin-admin գաղտնաբառի կիրառումից, ստանդարտ sql injection խոցելիության բացթողումներից և այլն։ Հիմա փորձենք կամայական wordpress կայքը դարձնել ավելի անվտանգ։ Դրա համար նախ պետք է հասկանալ, արդյո՞ք այն թարմացումների կարիք ունի, թե ոչ։

Թարմացումներ և դրանց նշանակությունը

Թարմացումները wordpress-ում հիմնականում  տեղի են ունենում ըդհանուր CMS-ի անվտանգային նկատառումներից ելնելով, լինում են նաև գլոբալ core թարմացումներ։

Լինում են նաև առանձին պլագինային թարմացումներ, որոնց նույնպես պետք է հետևողական լինել, քանի որ դրանք նույնպես կարող են կապված լինել ներքին անվտանգային հարցերի հետ։ կապված շատ հաճախ ։

Գաղտնաբառ և օգտվողի հասանելիության մակարդակ

Գաղտնաբառի նշանակության մասին վերևում արդեն խոսել ենք, հիմա փորձենք մանրամասնել։ Գաղտնաբառի հեշտ լինելը ցանկացած համակարգում խնդիր է, քանի որ կան ծրագրային ապահովումներ, որոնք կարող շատ հեշտ ճանաչել դրանք և տալ ցանցահենին։ Նմանատիպ ծրագրերը կոչվում են BruteForce։

Խոսենք օգտվողի հասանելիության մակարդակների մասին WordPress-ում։ Դրանք կարող եք ստեղծել ինքնուրույն կամ օգտվել արդեն հասանելիներից ` admin, editor, author, subscriber: Սրանցից յուրաքանչյուրը ունի ինդիվիդուալ ադմինիստրատիվ հնարավորություններ, բացի subscribe-ից։ Եթե կայքում մի քանի օգտվող կա, ցանկալի է՝ լինի դերաբախշում, որպեսզի մեկ օգտվողի կոտրման դեպքում կայքին հասցված վնասի մակարդակը քիչ լինի։

Backup հասկացություն և դրա կիրառումը

Backup -ը ամենակարևոր անվտանգային նախաձեռնություններից է։ Կայքը ջնջվելու, կոտրելու կամ տեղեկատվություն փոխելու  դեպքում հենց Backup-ն է հնարավորություն տալիս այն վերականգնել։  Backup -ի համար WP -ում կան բազմաթիվ պլագիններ, որոնցից ամենատարածվածներն են ՝ VaultPress (Jetpack Backup) , UpdraftPlus , BackupBuddy  և այլն։

Plugin -ներ, որոնք կհեշտացնեն Ձեր կյանքը

Անվտանգային պլագինները ավտոմատացված ներկառուցված սքաներներ են, բլոքերներ , իսկ եթե վճարովի են, ապա ունեն նաև ներկառուցված FireWall ապահովումներ։

Սրանք Ձեզ կօգնեն ոչ միայն հայտնաբերել վնասակար այլ պլագինները, այլև կարող են արգելափակել կոտրման գործընթացը և ջնջել ներկառուցված root մակարդակում ստացող ֆայլերը։

Կարող են նաև բլոքել սփամ բոտերին և այլ օգտակար գործողություններ կատարել ֆոնային ռեժիմում։
Այդպիսի անվճար պլագիններ են օրինակ ՝ Sucuri WordPress -ը կամ WordFence – ը, որն ունի նաև վճարովի տարբերակ։

SSL և HTTPS

Ինչպե՞ս կարգավորել սրանք, եթե չունեք համապատասխան գիտելիքներ .htaccess ֆայլից օգտվելու համար: Սրանք ապահովում են կայքի անվտանգ հարցումների իրականացումը և Google-ի կողմից այս կայքերն ավելի առաջնային են դիտարկվում, քան մնացածը ։

Հիմա հասկանանք՝ ինչպե՞ս հեշտ և արագ այն կարգավորենք, եթե հոսթը տրամադրել է, բայց այն միացված չէ կայքին։ Կառաջարկենք մեկ պլագինի լուծման տարբերակը, որն անվճար է ՝ Really Simple SSL։  Այն ավտոմատ կկարգավորի կայքի ssl-ի խնդիրները երկու քլիքով։